AANLYN KURSUS
Die aanlynkursus is die beginnerskursus wat per e-pos aangebied word. Wat wel by die aanlynkursus ontbreek, is die groepwerk. Soms – as daar twee studente is wat min of meer dieselfde tyd met die aanlynkursus begin – kan groepbespreking wel via e-pos plaasvind.
HOE LANK DUUR DIE KURUS?
’n Aanlyn kursus kan enigiets van ses maande tot twee/drie jaar duur. Die skrywer bepaal sy eie tempo. Opdragte moet verkieslik op Donderdae of Vrydae ingestuur word. Die kursusleier het veertien dae om terugvoer te gee nadat ʼn opdrag ontvang is. Gedurende Maart, Junie, Julie en November is die eksaminator met skooleksamens en/of kursusse op ander dorpe besig. Dan kan dit tot dertig dae duur voordat enige terugvoer gegee kan word. Hierdie moet asseblief in gedagte gehou word wanneer opdragte geskeduleer word.
HOE WERK DIE AANLYNKURSUS PRAKTIES?
1. ‘n Voorafopdrag word aan die student gestuur sodra die deposito betaal en al die nodige dokumentasie ontvang is.
2. Die student gebruik vier weke om die opdrag uit te voer (of soveel tyd as wat nodig is) en stuur dan die voltooide opdrag aan skryfbesigheid@outlook.com.
3. Laat veertien dae (behalwe die maande soos in die brosjure uiteengesit) vir terugvoer toe.
4. ‘n Opdrag word nie vir ʼn tweede maal ingestuur nadat die student dit gekorrigeer het nie, maar die student word vriendelik versoek om die verhaal te gaan herskryf. Anders dien die skryfoefeninge en kursusse geen doel nie. (ʼn Fooi van 20c per woord word gehef vir die herlees van ʼn verhaal.)
5. Die eerste module en opdrag word saam met die terugvoer van die voorafopdrag gestuur. Indien die student die volle bedrag met inskrywing betaal, word die modules as ’n eenheid (boek in Word) gestuur. Die skrywer mag dan meer as een opdrag gedurende die SKOOLVAKANSIES aan die kursusleier stuur.
6. Gebruik weer so twee tot vier weke om die materiaal deur te werk en die voltooide opdrag op ’n Donderdag- of Vrydagaand in te stuur. Dit is baie belangrik dat elke opdrag ‘n week of langer alleen gelaat word om te rus voordat dit WEER deurgewerk en dan eers ingestuur word.
7. As die afbetaal-opsie uitgeoefen word, moet die paaiement betaal word sodra die opdrag ingestuur word.
8. Die proses soos hierbo uiteengesit, word met elke module herhaal.
IS DIE SKRYFOEFENINGE NA DIE KURSUS BRUIKBAAR?
Skrywers kan verseker wees: Ten opsigte van skryfoefeninge word daar beslis ver buite die spreekwoordelike boks gedink. Verhale wat tydens en na aanleiding van hierdie oefeninge geskryf is, is al vir publikasie aanvaar.
Skrywers moet daarom liefs nie met ‘n gedagte of idee vir ‘n nuwe verhaal met die kursus begin nie. Dit kan dalk net die pret bederf.
ALLE OPDRAGTE MOET GEDOEN WORD.
WANNEER BEGIN DIE KURSUS? Daar kan enige tyd met ’n aanlynkursus begin word. Die beginnerskursus se datums sal later bekend gemaak word (of soos die behoeftes daarvoor bestaan).
WAAR WORD DIE KURSUS AANGEBIED?
Die aanlyn kursus kan van enige plek in die wêreld aangebied word en studente kan selfs as hulle uitstedig is, met die kursus aangaan.
INHOUD
Die beginnerskursus en die aanlyn kursus daarmee saam, is 2014 vernuwe. Die aantal modules het 2016 van vyf na sewe uitgebrei. Al vorm die bekende PNSkryfskool-kursus die basis van die nuwe beginnerskursus, is daar baie nuwe leerstof, opdragte en skryfoefeninge. Die opvolgkursusse – waar ander genres aangedurf word – het hierdie verandering genoodsaak.
AL die modules moet gedoen word en alle opdragte moet uitgevoer word; anders kan ’n sertifikaat nie aan die skrywer uitgereik word nie.
MODULE 1: INLEIDING TOT DIE SKRYF VAN KORTVERHALE
* Prosa: Nie-fiksie en fiksie
* Kortkuns
* ʼn Kortverhaal is…
* Hoe verskil ʼn kortverhaal, essay en skets van mekaar?
* Novelle
* Roman
* Wat maak poësie anders?
* Die onderskeidende kenmerke van poësie
MODULE 2: ONTWIKKELING VAN ‘N GOEIE VERHAAL
* Storie-fonteine
* Die skryfproses
* Elemente van ‘n verhaal
* Intrige (Die bou van ‘n spannende storielyn).
MODULE 3: ONTWIKKELING VAN GELOOFWAARDIGE KARAKTERS
* Karakters in ‘n verhaal: protagonis, antagonis, ondersteuningskarakter en bykarakters.
* Konflik en spanning
* Verskillende vertellers
* Perspektief
MODULE 4: SKEP VAN ‘N GEPASTE ATMOSFEER
* Tyd
* Plek
* Atmosfeer
* Wys teenoor vertel
* Navorsing
MODULE 5: ALGEMENE LETTERKUNDIGE TERME
* Tema
* Boodskap
* Tekselemente
* Beeldspraak
* Stylfigure
MODULE 6: TEKSVERSORGING, REDIGERING EN AFRONDING
* Gebruik taal as instrument reg
* Tegniese versorging van ‘n manuskrip
* Redigering
* Verstaan en gebruik AL JOU INSTRUMENTE korrek
* Hardkoppigheid kan jou skrywerskippie laat sink.
MODULE 7: KRITIEK
* Hoe lewer ek kritiek?
* Hoe hanteer ek kritiek?
Koste
AANLYNKURSUS
Die aanlynkursus kos R4 800, MAAR vir die tydperk 9 MAART 2021 tot 31 Mei 2021 word die aanlynkursus SLEGS vir R3 360 aangebied. Dit beteken ’n Afslag van 25% word toegestaan. Skrywers wat voorheen van Die Skryfbesigheid se diens gebruik gemaak het (en persone wat deur Kwartz Publishers verwys word) kan vir hierdie tydperk ongelukkig nie soos voorheen op verdere afslag aanspraak nie. Afbetaling kan gereël word, maar dit werk so bietjie duurder uit.
AFBETAALOPSIES VIR DIE AANLYNKURSUS
Betaal ʼn deposito van R1 680 met registrasie en daarna vier paaiemente van R430. (Eerste paaiement betaalbaar met die inhandiging van opdrag 1 en 2 en daarna met inhandiging van elke twee opdragte tot die volle bedrag afbetaal is.) Of betaal sewe paaiemente van R500.
Die skrywer moet eers ʼn deposito betaal alvorens daar met die kursus begin kan word. Wat die aanlyn kursus meer bekostigbaar maak, is dat daar afbetaling gereël kan word. Die enigste vereiste is, dat geen nuwe materiaal aangestuur sal word as die paaiement nie betaal word nie.
Die deposito word verbeur sou ‘n skrywer nie opdaag nie of nie die afbetalingsooreenkoms nakom nie. Indien ʼn skrywer meer as twee modules doen en dan met die kursus ophou of onttrek is die skrywer steeds verantwoordelik om die volle kursusfooi te betaal.
REGISTRASIE
Om te registreer moet die skrywer ʼn kwotasie aanvra indien daar nie een saam met die brosjure aangestuur word nie. Die kwotasie moet skriftelik aanvaar word. ’n Registrasievorm en die onderneming moet voltooi word. Sodra die deposito betaal is, is die skrywer geregistreer.
NAVRAE per e-pos: skryfbesigheid102@gmail.com of skryfbesigheid@outlook.com
Die Skryfbesigheid 